肉餅哥小炒料理 (Closed)

今日放假係屋企懶洋洋，唔想出街食，就係apps到搵外賣食，肉餅哥其實之前食過覺得ok，所以同媽媽一齊叫黎食。外賣等左半個鐘左右就送到啦！總共叫左兩個餐share黎食，唔算十分貴既。呢個蝦膏蟹蓋煎肉餅配菜飯幾正。賣相唔錯，有個原隻蟹蓋，肉餅幾鮮味，入面有小小蝦肉絲，份量都剛好。不過可惜送到黎唔係好熱，如果剛煎起食應該更正。個菜飯就普通啦，菜味唔太出。另外呢個金沙蛋黃煎肉餅就有啲漏，表面佈滿左蛋黃，好蛋油。其實味道好出既，但真係漏到食唔哂。