Video
Read full review
2023-03-29
42 views
2 Kim’s Pocha價錢💲: $280/ $180/ $195/ $120/ $65-75好味程度😋: 4/5服務🍴: 3.7/5環境🗾: 4/5性價比🥢: 3.7/5回頭率😚: 3.7/5-去尖沙咀食韓國嘢係基本啦！今次去既呢間位於尖沙咀的酒吧街，係芸芸酒吧入面，轉角位就開左呢間有韓國菜食的餐廳。播住超大聲的音樂+落地投射螢幕播住唔同mv，好似去左弘大其中一間餐廳咁😆 酒類選擇非常多，價錢都好合理。食物方面基本上你講得的韓國菜式都有的！老闆仲要係個熱情的韓國人，見到佢甚至會幫客人拎食得7788的辣炒雞入廚房加個飯去炒🤣-✅燉牛肋骨。好啱餸飯的一個餸😝牛肋骨已經炆到軟晒，一咬已經輕易同舊骨分離，唔洗扯得好辛苦😏 牛肋骨肉質腍得來保留左嚼經，油香同肉感都好平均🤤 甜甜地的醬油都將紅蘿蔔、白蘿蔔同冬菇炆到入晒味，如果有碗飯撈下就正🤭-✅✅辣炒年糕。老闆整左個小辣的version，但其實已經夠曬味😌最特別的係佢地的年糕係幼啲同長啲，好似一條闊身的烏冬，好Q彈煙韌😱 係未係香港見過的年糕！比起普通年糕，呢隻更加掛得起多汁，同埋無咁大糯米粉味，好好食😋 醬汁都係甜辣甜辣，惹味得來唔會太重味
價錢💲: $280/ $180/ $195/ $120/ $65-75
好味程度😋: 4/5
服務🍴: 3.7/5
環境🗾: 4/5
性價比🥢: 3.7/5
回頭率😚: 3.7/5
-
去尖沙咀食韓國嘢係基本啦！今次去既呢間位於尖沙咀的酒吧街，係芸芸酒吧入面，轉角位就開左呢間有韓國菜食的餐廳。播住超大聲的音樂+落地投射螢幕播住唔同mv，好似去左弘大其中一間餐廳咁😆 酒類選擇非常多，價錢都好合理。食物方面基本上你講得的韓國菜式都有的！老闆仲要係個熱情的韓國人，見到佢甚至會幫客人拎食得7788的辣炒雞入廚房加個飯去炒🤣
-
✅燉牛肋骨。好啱餸飯的一個餸😝牛肋骨已經炆到軟晒，一咬已經輕易同舊骨分離，唔洗扯得好辛苦😏 牛肋骨肉質腍得來保留左嚼經，油香同肉感都好平均🤤 甜甜地的醬油都將紅蘿蔔、白蘿蔔同冬菇炆到入晒味，如果有碗飯撈下就正🤭
-
✅✅辣炒年糕。老闆整左個小辣的version，但其實已經夠曬味😌最特別的係佢地的年糕係幼啲同長啲，好似一條闊身的烏冬，好Q彈煙韌😱 係未係香港見過的年糕！比起普通年糕，呢隻更加掛得起多汁，同埋無咁大糯米粉味，好好食😋 醬汁都係甜辣甜辣，惹味得來唔會太重味。入面有洋蔥、大蔥、魚糕、雞蛋等配菜，索晒啲汁😎同埋炸紫菜粉絲卷都好脆！
-
✅半半炸雞(芝士+香辣蒜香醬油)。總共有14舊咁多😳兩者比較，芝士味較香脆！落左大量芝士味粉，好似公仔麵個啲粉咁，食到好上癮🤪 另一款蒜香醬油都係一啲都唔辣，味道偏甜，加小小蒜頭的辛香。好的係淋上醬汁之後，炸雞都保持到啲脆到🤓 熱辣辣炸起，入面的雞肉好飽滿，唔乾。如果可以更小脆漿的部份就更好！
-
🆗泡菜煎餅。煎餅味道上可以，酸辣得宜，食到好突出的泡菜味。都見到泡菜的份量唔少😉但質地上佢係偏油膩同軟腍的餅，個人中意更脆同薄啲的煎餅🤫
-
✅✅Sparkling/ Sweet mama. Sparkling呢款sake係老闆特別推薦，話係而家韓國年輕人最流行的酒，因為佢酒精濃度只有7%，甜甜地好清，好易入口，啱晒女仔飲☺️另一款sweet mama都係平時無見過的，其實係apple cider，同平時的分別唔大，適合鍾意果味酒的女士😬
-
整體都唔錯，無論酒同野食，款式都幾多。空間又夠大，啱晒同班frd慢慢吹水。價錢上有啲野食係比較貴，但HH的酒好抵飲！如果要搵個地方同朋友chill下，都推介呢到🥳
Post
