Video
Read full review
2017-11-04
161 views
朋友知我鍾意食餃子，特登黎到呢間日式餃子店度試試，晚上八點多來到，客人不算很多，太晚了吧？餐牌上餃子款式實在不少，左揀右揀下決定叫以下幾款，朋友則試了拉麵。枱上有四款調味料，餃子醬汁，辣油，辛子味噌，味噌醬汁，貪新鮮四款都試下，後兩者不太合口味有點怪怪的，餃子還是配餃子醋吧，哈哈。豚骨拉麵（$68）朋友點的拉麵，雖然賣相一般，味道還可以。拉麵彈牙但帶少許鹼水味，叉燒軟腍入口即化，溏心蛋全熟不流心，湯底很有出x一丁豬骨濃湯味，哈，其實幾好味的。Mochi mochi蘑菇餃子（$32）這款餃子特別之處係個餃子皮用秋田米整嘅，食落又真係幾煙韌喎，餡料用了幾款唔同嘅菇菇，菌味十足。紫蘇風味餃子（$29）每隻餃子入面都有半塊紫蘇葉，獨特嘅香味好正，再配上呢款餃子專用嘅梅子汁，味道更有層次了。京都九條蔥餃子（$32）九條蔥餃子是青綠色的，但蔥味不強，相當易入口。大阪風章魚燒（$38）仲點了小丸子，即叫即做熱辣辣，最正係多醬汁，沙律醬，同木魚碎，軟綿綿口感加了有咬口的章魚粒，百吃不厭。朱古力餃子配雪糕（$38）甜品都係餃子，哈哈，包的是朱古力餡，煎香的外皮，入面係已經瀜掉的朱古力漿，不奇怪之餘仲好好
餐牌上餃子款式實在不少，左揀右揀下決定叫以下幾款，朋友則試了拉麵。
枱上有四款調味料，餃子醬汁，辣油，辛子味噌，味噌醬汁，貪新鮮四款都試下，後兩者不太合口味有點怪怪的，餃子還是配餃子醋吧，哈哈。
豚骨拉麵（$68）朋友點的拉麵，雖然賣相一般，味道還可以。拉麵彈牙但帶少許鹼水味，叉燒軟腍入口即化，溏心蛋全熟不流心，湯底很有出x一丁豬骨濃湯味，哈，其實幾好味的。
Mochi mochi蘑菇餃子（$32）這款餃子特別之處係個餃子皮用秋田米整嘅，食落又真係幾煙韌喎，餡料用了幾款唔同嘅菇菇，菌味十足。
紫蘇風味餃子（$29）每隻餃子入面都有半塊紫蘇葉，獨特嘅香味好正，再配上呢款餃子專用嘅梅子汁，味道更有層次了。
京都九條蔥餃子（$32）九條蔥餃子是青綠色的，但蔥味不強，相當易入口。
大阪風章魚燒（$38）仲點了小丸子，即叫即做熱辣辣，最正係多醬汁，沙律醬，同木魚碎，軟綿綿口感加了有咬口的章魚粒，百吃不厭。
朱古力餃子配雪糕（$38）甜品都係餃子，哈哈，包的是朱古力餡，煎香的外皮，入面係已經瀜掉的朱古力漿，不奇怪之餘仲好好味，熱辣辣嘅餃子配冰凍雪糕，一熱一凍好好味。
餃子吃到飽的一餐，仲有好多款口味想試呀，留下次再試吧。
Post
