No Milkshake No Life (白田街)

Open Now

Now Closed

好鐘意飲奶昔，今日試左呢間， 佢巴奶昔種類有好多，有啲係用Bailey 整，仲有一啲特別口味，花生焦糖味等， 而佢亦會有限定口味， 好似今次就試左佢個限定口味，焙茶味，飲落去真係好焙茶，好有焙茶latte既口味，唔甜，如果愛好甜味奶昔既就未必啱，亦揀左個花生焦糖味奶昔，呢個味就會甜好多，但就好味既，呢度唔止奶昔特別。佢個三文治都值得一試， 好多芝士同埋薯粉有得揀辣味。叫左個芝士磨菇三文治， 佢啲芝士同磨菇加埋厚過塊包，仲要趁熱食，啲芝士溶晒，好好味，揀左個辣味薯條，係有啲辣粉喺面，如果唔鍾意食辣嘅，又超鐘意芝士，可以加錢揀芝士薯條，佢係幼嘅薯條。仲點左一個和牛漢堡，呢個就揀左芝士薯條，個包睇落唔算好大，味道未算好驚喜，相比三文治，就三文治特別啲，但鐘意食牛既朋友可以點黎試下。而佢個餐牌仲有特別口味既雞翼，但因為食左個三文治加奶昔都飽，所以食唔落，同埋呢個口味又真係好難想像，鐘意試新野既人可以去試下。