Video
Read full review
2015-04-23
530 views
桃園制作係以茶餐廳經營嘅一間食肆，今年年頭喺藍田啟田商場開咗分店，住喺附近嘅又多咗一個方便嘅選擇。以茶餐廳嚟講，呢間店舖嘅環境算唔錯。裝修十分企理，座位充足，卡位比例高，而且座位寬闊，一路食一路篤機睇報紙都冇問題。間餐廳其中一個特點就係早午晚餐都有唔少選擇，所以屋企人點都會揀到自己想食嘅嘢，不過當然唔會樣樣食物都咁有水準，但始終都會有唔錯嘅出品。上湯蝦米肉碎銀針粉：浸住銀針粉嘅湯有頗濃嘅蝦米味，但係鋪面嘅餸除咗菜其他嘅就唔多夠。鳳爪排骨蒸飯／土魷肉餅蒸飯：用扁身瓦罉裝住，啲飯份量唔多，不過啲餸就好夠，食到底都幾多油。千祈唔好手快快將啲豉油倒晒落啲飯度，會好鹹。 家鄉鹹肉粽：個人鐘意綠豆多嘅粽，似乎隻粽嘅綠豆份量就滿足唔到我嘅要求，不過隻粽勝在好香粽葉味同烚得夠火候。足料魚腩粥：碗粥杰撻撻有啲似食緊ＢＢ嘅糊仔，用嚟放粥嘅鯇魚太細條同用嘅部份比較近魚尾，所以好多骨，嗰次碗粥仲好似冇落鹽咁淡。 番茄小雲耳野菌黃沙豬膶泡飯：個飯用珍珠米造，啲湯夠濃同熱，食得慢都唔覺得啲湯會變淡同凍，天時冷食食完仲覺得周身暖晒，唔錯。 咖喱牛坑腩飯：睇到佢真係用牛坑腩造，不過啲牛腩就唔多夠腍，個汁仲過濃
桃園制作係以茶餐廳經營嘅一間食肆，今年年頭喺藍田啟田商場開咗分店，住喺附近嘅又多咗一個方便嘅選擇。
以茶餐廳嚟講，呢間店舖嘅環境算唔錯。裝修十分企理，座位充足，卡位比例高，而且座位寬闊，一路食一路篤機睇報紙都冇問題。間餐廳其中一個特點就係早午晚餐都有唔少選擇，所以屋企人點都會揀到自己想食嘅嘢，不過當然唔會樣樣食物都咁有水準，但始終都會有唔錯嘅出品。
上湯蝦米肉碎銀針粉（早餐）
74 views
1 likes
0 comments
鳳爪排骨蒸飯／土魷肉餅蒸飯
98 views
1 likes
0 comments
家鄉鹹肉粽
70 views
1 likes
0 comments
足料魚腩粥
62 views
0 likes
0 comments
番茄小雲耳野菌黃沙豬膶泡飯
62 views
1 likes
0 comments
咖喱牛坑腩飯
85 views
1 likes
0 comments
公司三文治
77 views
0 likes
0 comments
不過佢哋嘅服務真係有待改善：
(1)有一次午飯時段叫咗個午餐，個餐嗰碟飯就嚟食完杯餐茶都未到，咁咪搵個服務員跟單囉，但係等多十分鐘都係唔見杯茶出現，見到隔離枱都有同樣問題。嗰日見有時間咪等下囉。終於大大話話由跟單起計催咗四次（唔計落單嗰次），等咗超過30分鐘杯茶先至到，好誇張。
(2)另外一次同老公兩個人去食早餐，我個餐都食完，但老公個餐未到，搵服務員跟單先發現原來佢要嘅嘢已經沽清。貨品沽清唔係問題，冇人follow up 先至係問題，要個客白等幾個字，個早餐時段都幾乎過埋，個客就會火都嚟埋。
(3)有個放餐具嘅器皿放喺枱面畀客人自助攞餐具本應係幾好嘅安排，可惜啲餐具成日缺貨，除咗筷子之外就要乜冇乜，搞到要去借隔離枱嗰啲嚟用。
Post
