樂天大喜屋 (Closed)

冇得去日本一段長時間，連出街食日本野嘅機會都少左，今次終於忍吾住約埋朋友去旺角創興廣場嘅樂天大喜屋食餐飽。一坐底爭取時間用QR code落單，d野食一落單就好快到。Order左油甘魚、鯛魚、蜜汁鮑片、北海道鮮帶子、北寄貝、蠑螺、赤貝、甜蝦、極品大赤蝦，先第一輪掃新鮮刺身。之後熟食有香草牛油煮鮮大蜆、西京燒比目魚、黃金燒蠔、金蒜蓉粉絲蒸扇貝。蜆肉夠肥大又鮮甜，比目魚肉好嫰滑，燒蠔芝士味濃，扇貝超爽脆且海鮮味重，真係要食。鹽燒牛舌及鹽燒雞翼係2款我最鍾意嘅燒物，惹味非常。天婦羅蝦同埋蟹柳熱炙炙，香脆好食，表層炸粉薄，絕不油膩。提提大家，飲品好多而且冇限量供應，最後食埋雪糕雪條，依餐食得好滿足。