曉廚軒香港風味 (Closed)

一個餐($48)包一個飯同一款點心。飯係酒樓盅飯份量，無點心係一定唔飽，大食既我，擔心一盅點心唔夠，最後決定加錢加多盅點心。北菇滑雞飯係真係幾滑，伙記無推介錯。咖喱魷魚就不過不失啦，本身都唔難整得好食既，唔會好辣，啱香港人口味。薑汁糕薑汁味都夠，幾好趙又襟飽，係底部蒸時吸水較多，相對林少少姐。好想讚下呢度既伙記，伙記見我論論盡盡豉油都唔記得加餐具都唔記得攞時既時候好好心咁提下我。