山旮旯 (Closed)

（幾個月前食，一直未upload食評，所以以下內容只供參考😂）-呢間夜晚嚟食氣氛幾好，港式霓虹燈幾有feel~不過個位真係有啲山旮旯😂要行一段路，上次嚟食飲咗枝Zeffer嘅Apple Cider幾好飲，今次想叫已經冇咗😢Caesar salad冇咩特別，普通沙律🥗和風鰻魚熟蛋pizza🍕唔推薦，主要係個薄餅底做得唔好，好硬好似食梗半生熟嘅餅乾😂脆皮豬手幾好食，外脆內軟，啲肉調味啱啱好🤤但要快啲切好晒先，因為豬手放得耐表皮會硬。海鮮意大利飯呢間個飯煮得比較生會硬身啲，所以我唔鍾意🤦🏻‍♀️-忌廉芝士蟹肉螺絲粉呢個又幾好食喎，個醬好濃郁，配螺絲粉又唔會話太膩👍🏻泰式拼盤原本諗住小食拼盤實無死啦，點知有🥲佢炸得太耐啦，好乾，唔推薦。-總體嚟緊，搵個地方邊飲酒邊吹水呢度環境係幾chill，但食物水準不一，份量都比較少，性價比偏低。