Video
Read full review
2023-10-15
908 views
跟家人去Popcorn，路過見到譽居有約干人等緊位，見餐牌竟然有茶樓點心，心癢癢想試下！同行四大一小，點左粥、炒麵、4個點心、3個甜點。一上枱就係羅漢齋炒麵，好香脆，而且十分足料大大碟，小朋友都好鍾意食，呢個真係抵食～$70！再點左肉丸粥及陳皮牛肉腸粉，自製肉丸真係有驚喜，肉嫩好味！牛肉腸粉更係啖啖肉，而且有馬蹄及芫茜，讚！蜜汁叉燒包入面醬汁多，而且唔多肥肉果下好啱口味！👍馬拉糕夠鬆軟，小朋友好鍾意！😌自己本身好鍾意食鮮蝦燒賣皇 $44，但真係唔係間間好食，但呢間食完係再想食，啖啖肉，而且唔算多肥肉，肉質彈牙，材料新鮮！每次去茶樓都會試下生磨蛋白杏仁茶，呢間大大碗都只係$37，仲要食落同貴餐廳差唔多！再點左薑汁糕及順德燉雙皮奶，兩款都喜歡！大枱唔多，所以5人較難等位，唯有坐卡位加椅，如果多點大枱更好！😌
同行四大一小，點左粥、炒麵、4個點心、3個甜點。
一上枱就係羅漢齋炒麵，好香脆，而且十分足料大大碟，小朋友都好鍾意食，呢個真係抵食～$70！
再點左肉丸粥及陳皮牛肉腸粉，自製肉丸真係有驚喜，肉嫩好味！牛肉腸粉更係啖啖肉，而且有馬蹄及芫茜，讚！
蜜汁叉燒包入面醬汁多，而且唔多肥肉果下好啱口味！👍馬拉糕夠鬆軟，小朋友好鍾意！😌
自己本身好鍾意食鮮蝦燒賣皇 $44，但真係唔係間間好食，但呢間食完係再想食，啖啖肉，而且唔算多肥肉，肉質彈牙，材料新鮮！
每次去茶樓都會試下生磨蛋白杏仁茶，呢間大大碗都只係$37，仲要食落同貴餐廳差唔多！
再點左薑汁糕及順德燉雙皮奶，兩款都喜歡！
大枱唔多，所以5人較難等位，唯有坐卡位加椅，如果多點大枱更好！😌
Post
