薩莉亞意式餐廳 (大元街市) (Closed)

係大埔讀書，落左堂已經係就來9點，落到去大中都唔知食咩好。經朋友介紹原來大元村入面有薩莉亞食，未試過，所以試下。薩莉亞d雞翼朋友話好味，但上到來個人覺得同其他餐廳都差唔多，無話特別好味。之後去食都有再食，d 雞翼一時夠味，一時又會淡左d。朋友話肉醬多利亞最好食，我見到價錢得23蚊就叫來試下。上來既時候，d芝士仲滾緊，起泡，見到都興奮。食落唔會覺得太多芝士而覺得膩左，應該系d番茄肉醬起到中和既作用，值得試下。蒜蓉包$8有得食，平平地反而既入味，好味過我之前係西餐廳食果d，超過一般水準，價錢又唔貴。可能男仔去到食碗飯唔夠叫呢個都諗得過。餐廳環境都唔錯，幾寬敞，通常唔需要點樣等位。