Video
Read full review
2022-09-13
4209 views
荃灣加班放工好肚餓，即刻跑去大鴻輝搵食，任食火鍋千奇百趣，但我始終深愛常滿百家菜，因為有我最鍾意食嘅即叫即蒸點心。今晚同家人飲夜茶，晚市有飲茶點心任叫、雞煲、火鍋，自助形式自由奔放，飲品、蔬菜、小食，埋單每人都唔使二百蚊。火鍋點心餐點心放題，價錢親民，款式選擇多，點心任食，一次過享受晒煎炒煮炸鹹甜點心，賣相實而不華，味道超有水準，重點係傳統點心師傅即叫即正，呢個價錢外邊飲餐茶都唔得！點心類招牌小籠包、懷舊馬拉糕、常滿蝦餃皇、鮮蝦燒賣皇、蒙古流沙包、鮮竹牛肉球、芋絲炸春卷、酸甜炸雲吞、蘿蔔絲酥餅、豉汁蒸鳳爪、鹹水角。常滿蝦餃皇、招牌小籠包、燒賣、馬拉糕係我心水特別推介！蒸籠點心皮薄餡靚，蝦餃大大隻蝦仁，燒賣味道鹹香，小籠包大粒多肉汁，入口夠晒熱辣辣好新鮮。馬拉糕唔錯，直程可以話係非物質文化遺產，鬆軟唔會太甜。非常有水準，淨係食點心都有賺！煎炸點心都唔錯熱辣辣，炸雲吞、蘿蔔絲酥餅、芋絲春卷，全部炸得金黃色、香脆可口、唔會好油膩、絕對好食！香辣雞煲點心之後仲可以嘆多個雞煲，好惹味，雞肉嫩滑，少少麻辣越食越開胃。雞煲之後加湯就可以打邊爐🍲湯底變得濃郁唔錯。火鍋配料落單點選了肥牛和滑牛，肥瘦均勻
今晚同家人飲夜茶，晚市有飲茶點心任叫、雞煲、火鍋，自助形式自由奔放，飲品、蔬菜、小食，埋單每人都唔使二百蚊。
火鍋點心餐
點心放題，價錢親民，款式選擇多，點心任食，一次過享受晒煎炒煮炸鹹甜點心，賣相實而不華，味道超有水準，重點係傳統點心師傅即叫即正，呢個價錢外邊飲餐茶都唔得！
點心類
招牌小籠包、懷舊馬拉糕、常滿蝦餃皇、鮮蝦燒賣皇、蒙古流沙包、鮮竹牛肉球、芋絲炸春卷、酸甜炸雲吞、蘿蔔絲酥餅、豉汁蒸鳳爪、鹹水角。
常滿蝦餃皇、招牌小籠包、燒賣、馬拉糕係我心水特別推介！蒸籠點心皮薄餡靚，蝦餃大大隻蝦仁，燒賣味道鹹香，小籠包大粒多肉汁，入口夠晒熱辣辣好新鮮。
馬拉糕唔錯，直程可以話係非物質文化遺產，鬆軟唔會太甜。非常有水準，淨係食點心都有賺！
煎炸點心都唔錯熱辣辣，炸雲吞、蘿蔔絲酥餅、芋絲春卷，全部炸得金黃色、香脆可口、唔會好油膩、絕對好食！
香辣雞煲
點心之後仲可以嘆多個雞煲，好惹味，雞肉嫩滑，少少麻辣越食越開胃。雞煲之後加湯就可以打邊爐🍲湯底變得濃郁唔錯。
火鍋配料落單點選了肥牛和滑牛，肥瘦均勻，入口柔軟。海鮮類幾新鮮，新鮮海蝦，爽口彈牙。其他水餃雲吞丸丸每樣食啲已經好滿足。
大排檔自助區有好多小食同埋甜品，我最鍾意芒果布甸，仲有雞翼，麻辣青瓜。汽水雪糕🍦作為甜品也不錯。
整體總結食物質素唔錯，店員服務主動，點心放題真材實料，熟食選擇算多，質素好！價錢合理，性價比極高！
Post
