Video
Read full review
2014-10-25
3901 views
近排留意到除左"CoCo壹番屋"有蛋包飯食之外，原來"盛八食堂"都有得食 架！好想食呀……咁啱見到團購有優惠，以58蚊換購100蚊券，好似好抵喎 ，即刻買定兩張coupons先！本來打算帶男朋友去試食，但因為大家有d心事 要處理而閣置左！嘴饞饞既我，化悲傷為食量，一於約閨密去勁擦一餐 ！團購券既食用時段係下午兩點開始，我地兩點几到達位於銅鑼灣名店坊既"盛八"，見AEON招牌，坐自動電梯上一樓轉右就係。一間日式餐廳呈現眼前，佈置簡潔清新，客人唔多，座位舒適，簡直hea到爆 ！入座後慢慢看menu, 好多款式啊 ……花多眼亂，心大心細思量中，細心既侍應已走過來話幫我地調過去餐廳較入面既座位，認真識做 ！兩個人咩都想試，一口氣點左一個飯、一份三文治、兩份甜品、一杯咖啡(因為靚女密友只飲清水)！1.芝士野菌黑豚漢堡蛋飯配茄汁飯 : 香噴噴既飯，切開聞到醒胃既茄汁，蛋包幼滑，飯粒軟熟入味，茄汁多返少少就perfect嘞！黑豚漢堡，豚肉味鮮，但口感似肉碎多d，芝士味太淡，菇菌爽脆可口。2.芝士火腿地雞三文治 : 賣相好 ，外型有些少似厚批既pizza, 其實係芝士焗多士 呢！
團購券既食用時段係下午兩點開始，我地兩點几到達位於銅鑼灣名店坊既"盛八"，見AEON招牌，坐自動電梯上一樓轉右就係。一間日式餐廳呈現眼前，佈置簡潔清新，客人唔多，座位舒適，簡直hea到爆 ！入座後慢慢看menu, 好多款式啊 ……花多眼亂，心大心細思量中，細心既侍應已走過來話幫我地調過去餐廳較入面既座位，認真識做 ！
兩個人咩都想試，一口氣點左一個飯、一份三文治、兩份甜品、一杯咖啡(因為靚女密友只飲清水)！1.芝士野菌黑豚漢堡蛋飯配茄汁飯 : 香噴噴既飯，切開聞到醒胃既茄汁，蛋包幼滑，飯粒軟熟入味，茄汁多返少少就perfect嘞！黑豚漢堡，豚肉味鮮，但口感似肉碎多d，芝士味太淡，菇菌爽脆可口。
2.芝士火腿地雞三文治 : 賣相好 ，外型有些少似厚批既pizza, 其實係芝士焗多士 呢！三文治邊焗得夠脆，芝士rich得黎有絲，可惜芝士味太淡囉……味道唔夠係敗筆！饀料有滑嫩既雞肉、新鮮既蕃茄及美味既火腿，口感豐富搭夠！
3.朱古力雪糕窩夫 : 我地既至愛唔係chocolate，只是大家既男朋友都鐘意食朱古力，所以先點呢個甜品，愛情既魔力 好偉大！朱古力雪糕幼滑濃郁，可惜窩夫軟熟得濟兼唔脆配合唔到，唔夾添 ！
4.朱古力蛋糕 : 軟滑香濃！
5.咖啡 : 我唔酷愛咖啡架，貪個拉花賣相夠可愛 ，氹到我開心，望住杯coffee, 心情都即時靚返哂！咖啡味好淡，似罐裝既雀巢咖啡，但實在好啱我，苦中一點甜！
今餐下午茶超滿足，謝謝妳陪我，簡單既幸福！
Other Info. :
老實講，整體食物質素僅屬一般，價錢偏貴，扣埋coupons後都要再俾123蚊，唔值囉！以呢d價錢來計，出面大把餐廳可以選擇!
(The above review is the personal opinion of a user which does not represent OpenRice's point of view.)
Post
