金曼谷泰國餐廳

Open Now

Now Closed

幾時都咁多人嘅泰國餐廳,正所謂有麝自然香,整得好食確實係客似雲來,店舖細細哋 但有室內室外, 所以算多位.餐廳附近有得泊車,啱曬三五知己，或者一家大細。因為如果坐火車，在大圍站行過嚟，有少少遠。由於餐廳太受歡迎，所以枱同枱之間，坐得比較近，有心理準備.廚師手勢唔錯，整嘅嘢確實幾好食，先嚟一個冬陰功，夠辣，足料，好味。鍾意食辣嘅朋友一定要試下，D蝦夠彈牙，又新鮮，並配有番茄、草菇等等其他材料，夠曬足料，惹味。炒通菜叫咗小油小鹽，佢真係做到，可以唔使咁鹹但又好好味，佩服。炒貴刁有誠意，有青口、蝦、魚等等材料，味道剛剛好，主食首選.晚市送甜品，椰汁大菜糕，非常好食及清甜。總括來說，㕑藝精湛，一定要來試試。