Video
Read full review
2020-10-10
3142 views
2020年9月30日 星期三今晚係迎月夜，好多人都準備返屋企造節，同時為黎緊既4天假期安排唔同既活動。當然我都唔例外，今晚就去我公屋企，一家人食飯。咁我冇理由兩手空空上去，於是就決定喺尖沙咀買外賣上去一齊分享今次選擇嘅餐廳位於商廈之中，位置唔算太難搵，一出lift就見到餐廳。一入去就望到兩排放滿酒嘅酒櫃添餐廳主打係串燒，類似日本嘅居酒屋，所以有好多串燒嘅款式可以選擇，價錢都唔算太貴其實由餐廳去到我公屋企都需要大約一個小時車程，不過去到打開食物嘅時候，大部份食物仍然係暖嘅。首先有呢個鹹蛋黃炸薯條，一打開已經聞到好濃烈嘅鹹蛋黃味道，咬落去薯條仍然係脆身嘅，而且份量都唔少，點埋茄汁簡直係一流之後有汁燒北海道原隻魷魚，冇諗過會咁大隻，切開仲見到有汁流出黎，彈牙又唔靱。至於下面既係川式燒韭菜，夠晒麻味，越食越開胃最後仲有呢幾款串燒，包括鹽燒厚切牛舌、明太子雞翼、燒大辣牛丸同秘製醬汁燒豬頸肉，每一款都好入味，特別係大辣牛丸，食落去第一下好似無乜事，但原來辣勁會慢慢湧上黎，都幾刺激。至於牛舌真係好厚切，感覺好滿足，每一啖咬落去都充滿牛味，唔會太硬身見到屋企人食得咁滋味，我都覺得好開心
今晚係迎月夜，好多人都準備返屋企造節，同時為黎緊既4天假期安排唔同既活動。當然我都唔例外，今晚就去我公屋企，一家人食飯。咁我冇理由兩手空空上去，於是就決定喺尖沙咀買外賣上去一齊分享
今次選擇嘅餐廳位於商廈之中，位置唔算太難搵，一出lift就見到餐廳。一入去就望到兩排放滿酒嘅酒櫃添
餐廳主打係串燒，類似日本嘅居酒屋，所以有好多串燒嘅款式可以選擇，價錢都唔算太貴
其實由餐廳去到我公屋企都需要大約一個小時車程，不過去到打開食物嘅時候，大部份食物仍然係暖嘅。
首先有呢個鹹蛋黃炸薯條，一打開已經聞到好濃烈嘅鹹蛋黃味道，咬落去薯條仍然係脆身嘅，而且份量都唔少，點埋茄汁簡直係一流
之後有汁燒北海道原隻魷魚，冇諗過會咁大隻，切開仲見到有汁流出黎，彈牙又唔靱。
至於下面既係川式燒韭菜，夠晒麻味，越食越開胃
最後仲有呢幾款串燒，包括鹽燒厚切牛舌、明太子雞翼、燒大辣牛丸同秘製醬汁燒豬頸肉，每一款都好入味，特別係大辣牛丸，食落去第一下好似無乜事，但原來辣勁會慢慢湧上黎，都幾刺激。
至於牛舌真係好厚切，感覺好滿足，每一啖咬落去都充滿牛味，唔會太硬身
見到屋企人食得咁滋味，我都覺得好開心
Post
