Homeland (東昌街) (Closed)

呢間餐廳喺大埔好出名,之前嚟過一次但無book位食唔到🙁...今次book位兼早啲嚟食,一到7點左右已經full晒了🤫!佢嘅晚餐都唔錯,一個主菜連前菜同埋飲品都係148,部份選項要再加錢~前菜揀咗個慢煮雞胸凱撒沙律🥗同埋是日濃湯(磨菇湯)🍄~佢哋都用湯碗上,所以沙律份量覺得有啲細~但雞肉係嫩嘅,味道唔錯,而磨菇湯亦幾濃~主菜揀咗呢個黑松露牛肝菌芝士薄餅,佢嘅薄餅唔係麵包pizza質地🍕,而係好薄好脆嘅~上面嘅菇菌類好多🍄🍄,而且非常香,加埋芝士烘到脆脆地好好食🧀~香城和牛漢堡可以選幾成熟🍔,我哋就選咗7成,所以入面仲係有啲粉紅色,幾香牛肉味~個漢堡勁厚身,非常吸睛~再加上新鮮蕃茄🍅,沙律菜同埋炒洋葱🧅,感覺幾fresh,如果醬汁多啲會更好食~蜂蜜柚子酥炸雞翼有6隻🐔,係比較薄嘅炸皮,都幾脆,入面嘅雞肉仲有汁滴出嚟~上面鋪咗一層沖飲品哥種蜂蜜柚子醬,食落酸酸地唔太膩,但食得慢會整腍咗個皮~呢間整體都幾好食,而且裝修幾特別~我見隔離檯有人慶祝生日🎂,除咗叫甜品可以寫字之外~仲有仙女棒🕯,汽酒同埋即影即有送🥂,下次嚟呢度慶祝都唔錯~