肚餓了串燒烤焗專門店 (Closed)

三友今次黎到尖沙咀亞士厘道既肚餓鳥揾食，見開飯既好評如潮，當然要黎會一會佢！當晚訂左9點鐘，店內依然好熱鬧，得一至兩枱吉枱而已！店內既裝修好用心，全部都係木枱木凳，加上昏暗既燈光，感覺可以好放鬆，可同朋友呻所欲言咁！坐低後立刻開始睇餐牌點菜了，因為三友真的肚餓鳥！今次點左超多多多碟，有泰式生蝦（$68），雞皮串（$16），汁燒冬菇（$22）， 四式燒蠔（$108），西班牙黑毛豬件（$58），四式燒扇貝（$108），蘆筍煙肉串（$32），安格斯牛柳粒（$78），川味牛丸（$18），汁燒翠玉瓜（$20），牛油燒粟玉（$22），汁燒鮑魚（$88），燒鰻魚（$38），破殻肚餓鳥（$168）及人人都讚既黃金薯條（$52）！至於飲品方面，我就點左Honey beer!飲品好快就到啦，即刻乾杯慶祝下星期四先！呢支Honey beer 味道較淡，適合平常少飲酒既人，而且加入蜜糖，十分易入口！大概5分鐘，食物就開始上枱啦！先黎既係泰式生蝦，生蝦好新鮮好彈牙，加上泰式辣醬，十分開胃！之後粟米同冬菇上場！粟米既份量認真多，店員落單時都有提醒此為1條份量！好彩無多點！粟米味道雖然唔夠甜，但燒得剛剛好，每粒都好