点心代表 (Closed)

今日要幫手湊姪女，特別帶佢去 Dim sum icon 朝聖一下，可能比較早唔使排隊就有位，我點左笑哈哈蛋黃流沙包/青芥一囗堡/彩色蝦餃/鮮蝦腸粉/水晶白蝦餃/奶皇流沙包/原粒帶子燒賣，點心等左成半個鐘先到，應該係即叫即蒸，點心來到姪女好開心，每款點心整得好靚好得意，睇見都開心，笑哈哈流沙包黃色既包面劃上眼咀圖案，侍應姐姐細心提點包熱怕小朋友燙到咀，而且教我地一個有趣食包方法，先用牙籤拮包上公仔個咀，用手㩒下個包，的流沙就係個包咀吐來，得意有趣。一口堡既份量一囗應該咬唔晒，而且包有的凍唔夠熱，彩色蝦餃有4粒餃皮有粉紅同粉藍色，水晶蝦餃有3粒餃皮印有little twins star樣，兩款蝦餃熱辣辣皮薄餡靚，啖啖鮮蝦肉又彈牙，腸粉面都印twins star 公仔，有大大粒原隻蝦，腸粉皮有啲煙韌，奶皇流沙包有3個，包面鬆軟印有公仔，奶皇味重又甜又香滑，最後個帶子燒賣我覺得最好食，燒賣有3粒，帶子面都印有公仔圖案，帶子鮮甜燒賣啖啖肉，最後嘆柸玫瑰普洱茶非常滿足，通常的得意野都好睇唔好食，呢間絕對有驚喜。