Video
Read full review
2022-06-15
804 views
自從朋友各有家庭，少左見面都在所難免，特別係有小朋友嘅朋友，因為有時出黎食飯，帶小朋友真係未必方便。出國無期，一般嘅報復性飯局已經滿足唔倒大家，所以今次就約左好耐冇見嘅朋友出黎BBQ，多啲時間傾計，又可以俾小朋友放電，一舉兩得。哩度最大賣點就係哩兩個大型吹氣嬉水池，仲有埋滑梯，見好多細路由黃昏玩到夜晚都冇離開過個嬉水池就知可以放倒幾多電啦！冇帶泳衣唔想濕身嘅，都仲有好多陸水遊樂設施，好似跳彈床、滑梯、平衡木......等等。如果落雨，都仲有夾公仔機同籃球機，不過就要另外收費。哩度分左幾個燒烤區，全部都有瓦遮頭同好多大風扇。佢另外仲有VIP房，除左可以自成一角之外，仲有冷氣添，相入面左邊嘅屋仔就係VIP區。哩度嘅任食BBQ限時5個鐘，平日一至四$160/人，五六日同假期就$180/人，本身包左一罐罐裝飲品或一枝樽裝水，新張期間Like同Share 社交平台仲可以每位減$10，另外開爐費$50包一包炭、蜜糖同燒烤用品。所有罐裝飲品都可以用飲品卡免費換領，汽水、涼茶、果汁都有。如果要再買野飲，各款枝裝野飲都係$10-15/枝，價錢都合理。食物方面一般大路野都有，腸、丸、豬牛雞、蔬菜同麵包都有
哩度最大賣點就係哩兩個大型吹氣嬉水池，仲有埋滑梯，見好多細路由黃昏玩到夜晚都冇離開過個嬉水池就知可以放倒幾多電啦！
冇帶泳衣唔想濕身嘅，都仲有好多陸水遊樂設施，好似跳彈床、滑梯、平衡木......等等。
如果落雨，都仲有夾公仔機同籃球機，不過就要另外收費。
哩度分左幾個燒烤區，全部都有瓦遮頭同好多大風扇。
佢另外仲有VIP房，除左可以自成一角之外，仲有冷氣添，相入面左邊嘅屋仔就係VIP區。
哩度嘅任食BBQ限時5個鐘，平日一至四$160/人，五六日同假期就$180/人，本身包左一罐罐裝飲品或一枝樽裝水，新張期間Like同Share 社交平台仲可以每位減$10，另外開爐費$50包一包炭、蜜糖同燒烤用品。所有罐裝飲品都可以用飲品卡免費換領，汽水、涼茶、果汁都有。
如果要再買野飲，各款枝裝野飲都係$10-15/枝，價錢都合理。
食物方面一般大路野都有，腸、丸、豬牛雞、蔬菜同麵包都有，肉類全部都有醃，部份款式仲有唔同味道。
另外仲有胡椒、鹽、豉油、醋哩啲簡單調味料可以自由取用。
連番薯都有，仲有錫紙提供。
餐具、紙巾、膠枱布、手套、燒烤叉、鐵夾就可以喺度拎。
每個爐本身會免費跟一塊燒烤網，除左啱懶人之外，最重要係唔洗長期坐近個爐，燒到成身煙味同出晒汗。如果想換網，可以另外再買($40/塊)。肉類都醃得好入味，又唔會太鹹。咖哩魷魚好惹味，金沙骨肥瘦適中，唔會太韌。
雞翼都有三款唔同味道。豬扒牛扒除左入味之外，亦好腍冇筋。
丸類都有好多款，芝士腸好多芝士，廚師腸就略嫌鹹左少少。
蔬菜有娃娃菜、秀珍菇、金菇、脆玉瓜同茄子。
番薯雖然係黃心，不過都好甜。
場內嘅唐狗旺財好乖，會不時喺場內走黎走去。
總結，以任食燒烤場黎講，野食質素都唔差，雖然只包一罐野飲，不過再要散買價錢都合理，重點係場內有好多啱小朋友放電嘅設施，連嬉水池都有，啱晒而家咁熱嘅天氣。
Post
