德運豬扒車仔麵

Open Now

Now Closed

三號風球的星期五晚上，朋友飯聚取消了，男朋友來接放工，兩口子找點東西速吃後直接回家休息。佐敦區真係乜都有得食，平平地食飽飽都絕對冇難度。正當心大心細唸緊系咪要去茶餐廳之時，見到 「德運豬扒車仔麵」大家心有靈犀地説：「不如食車仔麵」店內面積小小，相信是一家人經營，我們更加需要支持小商互。食車仔麵優點系，想食乜嘢就點乜嘢，肯定岩自己口味。男友揀左粗麵、牛腩汁牛肚、小花菇、滷水蛋、豆腐卜 $51 牛肚夠稔又入味；小花菇一啲都唔小，大大粒用蠔汁炆，又香又彈牙。滷水蛋反而細粒左少少，粗麵超多，食得好飽。一份炸豬扒另上豬扒即點即炸，超燙口，豬扒帶骨比較薄，醃料相當入味，有水準。Zero $5我就楝左菜底、牛腩汁牛筋腩、自家制韭菜餃、豬皮、蘿蔔 $57有圖有真相，每款餸份量足，凡其牛筋腩勁多，牛腩炆煮得十分軟稔，但又未至於入口即溶，有小許咬勁，肉味濃郁。自家製韭菜餃大大隻，皮厚、餡料滿滿，北方餃子包法，韭菜比肉多，我喜歡。豬皮、 蘿蔔就正常味道，順帶一提個湯底揀咗腩汁，味道都幾濃。總括而言，唔想食茶餐廳嘅都可以諗吓用心經營，手作仔嘅車仔麵。