Video
Read full review
2015-09-20
3440 views
之前嚟過幾次，每次必叫咕嚕肉，因為印象深深刻入我心咁滯，原因睇下我下面介紹就知。所以間中都會想專登入元朗食，但成日撞唔啱時間，因為佢某段日子只做盤菜。今日終於可以嚟到喇。大家要嚟的話，記得要喺朗屏站出，否則喺元朗站有排行，要行完整條大馬路先到。環境街坊地茂小菜館格局，有3張大枱、3張細枱，唔好expect坐得舒服。今日打嚟book枱，老闆話唔駛book。佢無錯，我地七點到，無咩人，仲俾我地坐大枱，其他枱都有坐人。有兩部電視，可以邊睇邊食。食物明知呢度份量勁大，所以兩個人只叫咕嚕肉($75)、腐竹炆斑腩($80, 原本想要茄子炆倉魚，但兩種材料都賣完，所以老闆娘提議其他組合，餐牌上無的都得，基本上正常小菜組合就得，例如鯇魚、豆腐)，另叫一碗白飯、汽水。先嚟腐竹炆斑腩。份量好想像中多，斑腩有十件左右，每件大小有1.5隻麻雀咁大，可以叫斑球，啖啖肉，不過咸左啲。腐竹份量都好多。食食下發覺有幾件火腩，哈哈。之後就嚟至愛嘅咕嚕肉，份量好多，堆喺嚟好似一座小山咁，老闆娘話係即叫即炸，所以好新鮮熱辣。印象中每件形狀係大嘅乒乓球，今次食就唔係球狀，係長方體，都大件。有少量青椒、菠蘿、洋蔥伴碟，同咕嚕肉
之前嚟過幾次，每次必叫咕嚕肉，因為印象深深刻入我心咁滯，原因睇下我下面介紹就知。所以間中都會想專登入元朗食，但成日撞唔啱時間，因為佢某段日子只做盤菜。今日終於可以嚟到喇。大家要嚟的話，記得要喺朗屏站出，否則喺元朗站有排行，要行完整條大馬路先到。
環境
街坊地茂小菜館格局，有3張大枱、3張細枱，唔好expect坐得舒服。今日打嚟book枱，老闆話唔駛book。佢無錯，我地七點到，無咩人，仲俾我地坐大枱，其他枱都有坐人。有兩部電視，可以邊睇邊食。
食物
明知呢度份量勁大，所以兩個人只叫咕嚕肉($75)、腐竹炆斑腩($80, 原本想要茄子炆倉魚，但兩種材料都賣完，所以老闆娘提議其他組合，餐牌上無的都得，基本上正常小菜組合就得，例如鯇魚、豆腐)，另叫一碗白飯、汽水。
先嚟腐竹炆斑腩。份量好想像中多，斑腩有十件左右，每件大小有1.5隻麻雀咁大，可以叫斑球，啖啖肉，不過咸左啲。腐竹份量都好多。食食下發覺有幾件火腩，哈哈。
之後就嚟至愛嘅咕嚕肉，份量好多，堆喺嚟好似一座小山咁，老闆娘話係即叫即炸，所以好新鮮熱辣。印象中每件形狀係大嘅乒乓球，今次食就唔係球狀，係長方體，都大件。有少量青椒、菠蘿、洋蔥伴碟，同咕嚕肉份量比例可以話係二比八，甚至一比九！每件肉都掛上甜酸汁，甜酸味剛剛好，外脆而內少淋帶咬口，又係啖啖肉，真係大滿足！
由於份量太多，我地食到飽仲有一半剩低，梗係打包啦，每碟竟然裝滿一個外賣盒！真係好好好抵食！
服務
老闆娘好親切，茄子炆倉魚賣哂，就好熱心提議，又話兩個餸夠哂。
Post
