Bigger Burger Cafe (Closed)

是晚來了佐敦同朋友開餐，朋友介紹左Bigger Burger，佢話呢度大件夾抵食，一個full set都係一百蚊左右。朋友點了牛扒晚餐，自己點了漢堡餐，餐牌上選擇甚多，都真係苦惱左好一陣先決定都食咩。朋友的晚餐有餐湯及蒜蓉包送，是晚係忌廉湯。香煎澳洲牧場西冷牛扒配香草新薯及田園沙律（$98）賣相唔錯喎，要了七成熟，火候控制到，中間仲係粉紅色的，塊扒幾厚身，食落口感不錯，肉味也濃。配菜有數塊薯仔，同一堆沙律菜，呢個價錢合格有餘了。藍芝士煙肉安格斯漢堡（$88）自己點了漢堡餐，賣相同樣不錯，漢堡餐會送薯條及沙律，有菜有肉有澱粉質，呢個餐夠豐富吧。內裏是厚厚的漢堡肉，煙肉，生菜，蕃茄，荳芽菜，還有半瀜的芝士😍麵包烘熱過，很鬆軟，切半完全無難度，橫切面也是相當吸引吧。漢堡肉好juicy，濃郁的牛油，加上煎得香脆的煙肉，新鮮爽脆的蔬菜，最正係氣味獨特的藍芝士，好多人都唔喜歡佢嘅味道，但自己就好喜歡了，呢個漢堡十分對胃。配菜的薯條是新炸起的，熱辣辣又厚身，但沙律菜放久了吧？有點乾身不太新鮮的樣子。跟餐附送一般奶茶檸茶等，要了凍咖啡（+$3）同蘋果汁（+$5），好大杯呢。凍啡很香濃，但要了少甜還是挺