Video
Read full review
2019-05-01
97 views
行完街街準備返屋企開飯，老媽子打黎話有親戚上嚟食飯，斬啲料返嚟加送，即刻上開飯網搵吓附近有咩斬料好介紹，見到呢間滷水檔好評都幾多下，應該唔會中伏掛，就一於揀呢間啦，嚟到見到都有幾個人排隊斬緊料，都放心左一下。睇返佢門口嘅相，原來Hip Hop man同埋稍儀都係座上客，睇嚟有啲名氣。咁我就叫老闆斬半隻滷水鴨，另外幫我執啲雜錦執夠$150 ，醬汁係獨立包裝，老闆千叮萬囑唔好淋啲汁上滷水度，要另外搵個碗仔裝起黎點，夠晒貼心。講返個滷水，滷水鴨滷得剛剛好，唔會死鹹，而且啖啖肉，好抵食，豬大腸夠晒肥美，軟綿綿個個都食得好滋味，掌翼就俾老媽子食晒，佢冇詐型我諗應該OK，佢仲讚我叻仔，以後會多啲派我斬料加餸（唔係掛😂）
咁我就叫老闆斬半隻滷水鴨，另外幫我執啲雜錦執夠$150 ，醬汁係獨立包裝，老闆千叮萬囑唔好淋啲汁上滷水度，要另外搵個碗仔裝起黎點，夠晒貼心。
講返個滷水，滷水鴨滷得剛剛好，唔會死鹹，而且啖啖肉，好抵食，豬大腸夠晒肥美，軟綿綿個個都食得好滋味，掌翼就俾老媽子食晒，佢冇詐型我諗應該OK，佢仲讚我叻仔，以後會多啲派我斬料加餸（唔係掛😂）
滷水鴨
12 views
0 likes
0 comments
滷雞脾
7 views
0 likes
0 comments
雜拼
7 views
0 likes
0 comments
Post
