樂園魚旦專家 (協和街)

Open Now

Now Closed

天氣開始轉涼，突然想食碗麵暖暖肚。經過觀塘見到樂園魚旦專家，價錢合宜就入左去試試。鋪頭衛生環境唔錯，見鋪頭附近都好多街坊幫襯。餐牌上大部分選擇都是三十蚊左右，價值合理。今次我就叫左牛三寶麵同崩沙牛腩河。先講牛三寶麵，有牛腩、牛筋及牛肚。每種類都有三舊，絕無偷工減料。牛腩炆得好淋，夠入味。牛筋煙靭，有口感。牛肚爽口，唔痴牙。麵既份量好足夠，配搭芥蘭夠哂清新健康。崩沙牛腩河係鋪頭既招牌菜式，每舊牛腩唔會太厚又唔會太簿，有啲似半肥瘦既叉燒。河粉爽口彈牙。整體而言食物分量足夠，價錢合理，職員態度親切友善，值得一試再試。