鮮芋仙 (Moved) New Location

成日經過見到鮮芋仙都非常之多人排隊，直頭係打晒蛇餅咁樣，所以一直都冇去試過，直至有一日真係咁啱冇人排隊先至入去食。當然要食嘅話我就一定會帶佢哋嘅招牌雪花冰，有兩個布甸嗰隻，其實佢個冰係幾好食嘅，煉奶嘅份量都好多，所以個冰其實食到底都真係幾甜，但呢度嘅冰比較硬身，所以溶化嘅速度就相對上冇咁快，側邊嘅粉團有兩隻口味，包括係原味同埋紫色嘅芋頭味，兩隻味都好煙人好好食，而且嗰個嘅份量亦都唔少，一路食住冰一路食住佢啲粉團真係幾開心，但係佢哋個布甸來講就比較淡個味道，所以麻麻哋，下次可能會直接叫佢哋啲芋頭食。