金鳳大餐廳 (D2 Place TWO)

Open Now

Now Closed

去開荔枝角，夜晚係D2 Place搵野食。上次食過金鳳其他分店覺得唔錯，今次就試下D2 Place呢間。D2 Place金鳳人流好旺，坐滿人，需要等位先有得入座。金鳳的扒餐包餐包、餐湯同飲品，都幾抵。餐湯我揀左紅湯，好濃蕃茄味，我幾鍾意。餐包送上黎係暖的，幾貼心。我今次揀左西冷扒，肉質算細嫩，同時又大件夾抵食，食到好飽。老公揀左羊扒，我怕羊膻味無試到。老公食開羊肉就話覺得幾多汁幾好味。扒餐鐵版上，好夠溫熱度。職員亦都淋好多汁落去。飲品我另外加左錢，升級做雪糕紅豆冰。我鍾意港式懷舊飲品，雪糕紅豆冰好適合夏天! 飲品可以後上，咁就唔怕雪糕會溶。