花園餐廳 (Closed)

花園餐廳好多分店，聽聞d扒餐唔錯。晚市7點半左右，餐廳仲有幾張枱，即使2人入座，都安排住4人枱，所以坐得舒服。叫左美式雜扒鐵板，洋蔥汁雞扒意粉(改轉碟上可以免費配飯/意粉)。首先有餐湯，忌廉/羅宋湯。忌廉湯冇咩餸，如果冇特別喜好，叫羅宋湯感覺會豐富d。另外仲有餐包。雜扒好豐富，有牛扒，雞扒，豬扒，雞全翼，薯菜。全部都係大份量。仲有煙肉，火腿扒，平時好少餐廳會有埋尼2款餸。鐵板上個陣落醬汁滋滋聲，好有feel。牛扒煎得非常脆，好難得。雞扒煎完肉質仲嫩，意粉味道較淡，所以加洋蔥汁會好食d。整體，上菜快，醬汁唔夠可添加。抵食扒餐。