梁山泊日本料理 (Closed)

今日中午呢就去左都會置富嗰度食午餐，咁行過就見到有一間食日本嘢嘅舖頭，佢裝修燈光就比較暗，有啲似居酒屋嘅感覺。入到去佢嘅menu嘅就分咗兩個部分嘅， 一part係熟食嘅定食， 另一part就係壽司定食。 咁佢熟食定食嗰度就係買四送一， 如果一大班同事嚟食呢就非常之抵。而我今次就揀咗三文魚三文魚籽飯定食， 價錢大概75蚊，另收加一， 咁呢佢就隨餐附送沙律，麵豉湯，同埋一個燉蛋。 其實食完嗰個沙律同埋燉蛋之後呢都已經有三分飽㗎喇， 個燉蛋呢就唔係嗰啲平嘢嘅，係蒸得好滑嘅燉蛋， 而個三文魚飯呢三文魚都新鮮肥美嘅， 但係略為嫌佢啲三文魚子太多，令到個飯有啲鹹嘅味道。整體嚟講，呢個價錢加埋佢分量，絕對性價比高嘅， 十分推薦lunch係附近嘅朋友過嚟試下。