Cafe de Tiffany (Closed)

琴晚同朋友去咗聯和墟一間叫做cafe de Tiffany 嘅餐廳食晚飯，一開始聽名以為係食Cafe嘢，估唔到原來係鋸扒。望一望餐牌，價錢都相當合理，晚餐二人餐都只係248。環境方面，就係常見嘅港式西餐，比較昏暗有格調，牆壁有一個大牛形狀嘅霓虹燈。嘢食方面，我同朋友揀咗248嘅二人晚餐套餐，包兩個主食，兩碗餐湯，兩個黑糖麵包仲有兩杯嘢飲。我哋就叫咗比目魚大虎蝦同埋雜扒餐，兩碗白湯，凍檸茶同凍檸賓。兩個主食一上到嚟都相當震撼，分量十足。每次出街鋸扒，我都係一定揀薯菜，唔會揀飯同面，一嚟鍾意食香口野，二來薯菜唔會喺屋企特登整，所以就養成左呢個習慣，估唔到呢間想轉飯同面係需要另外加錢，對我呢個對薯菜情有獨鍾嘅人嚟講完全冇影響。總括而言，呢間餐廳價錢唔貴，份量好大，就算係大胃王都包保你捧住肚走。