心夜來潮 (Closed)

呢度食晚飯嚟講都幾經濟，食物與價錢成正比，食潮州菜嚟講環境算係幾好，好多要去街市或者好污糟既地舖。食物方面影漏左個魚片，都幾好食。成本菜單啲圖片都幾吸引，但主打既鵝片嚟講就唔夠軟啲肉，太有口感，今次第二次嚟，上次有叫埋鵝翼，但咬好耐先咬得入所以今次唔叫。曼頭差過上次，可能我凍左先食所以無咁好食。炒菜幾好，好夠味，獲氣都夠，推介。粥係必食，兩次水準都ok，雖然兩次好近，唔夠一星期。炒粉絲唔錯，好乾身好食。炒飯就一般，食淨好多。炸豆腐都好夠乾。XO醬炒腸粉都唔錯。最緊要價錢合理，又係正旺角，聚會好方便。