Video
Read full review
2008-06-18
14 views
昨午同個小朋友'腥D'去tea, 諗住揾個地方可以坐得舒服啲, 耐啲, 同呢個小朋都幾啱傾, 另外又要等大忙人'糟狗'從大埔出嚟, 所以預咗會坐耐啲, 仲有瘦身成功既呢位小朋友就想食吓雪糕, 綜合各種原因, 這裡算是最適合既地方!去到被安排坐喺最尾既卡位, 喜歡柄埋的我心諗: 正!小朋友點咗個華夫tea set, 有4塊華夫上面洒咗啲綠茶粉的, 1球綠茶雪糕, 1堆紅豆醬, 1堆cream同1啲生果.我試咗1塊華夫加啲紅豆醬. 紅豆醬不太甜, ok的. 但塊華夫就令人失望, 凍嘅, 1啲溫度都冇. 依我推斷, 佢唔單止死咗, 仲要係死咗一段時間嗰隻! 雖知食死咗既華夫同食唔係新鮮滾熱辣既夾餅一樣, 學黃興貴話齋, 呢碟嘢放得入雪櫃喇! 跟餐的咖啡, 小朋友話一向都不錯的.小弟柯打了一杯熱南瓜鮮奶, 上面有層cream的, 味道不錯, 但未加一都收31.8蚊, 有此質數也是應該的.過了個幾2個鐘後, '糟狗'終於來到了! 佢点咗個此店成名之作蕃薯配軟雪糕, 由於當時大家投入地傾計, 故無特別去關心呢個蕃薯既感受, 但'糟狗'亦冇乜特別評價, 故我想呢個甜品既水準應一如以往吧!講到服務,
仲有瘦身成功既呢位小朋友就想食吓雪糕, 綜合各種原因, 這裡算是最適合既地方!
去到被安排坐喺最尾既卡位, 喜歡柄埋的我心諗: 正!
小朋友點咗個華夫tea set, 有4塊華夫上面洒咗啲綠茶粉的, 1球綠茶雪糕, 1堆紅豆醬, 1堆cream同1啲生果.
我試咗1塊華夫加啲紅豆醬. 紅豆醬不太甜, ok的. 但塊華夫就令人失望, 凍嘅, 1啲溫度都冇. 依我推斷, 佢唔單止死咗, 仲要係死咗一段時間嗰隻! 雖知食死咗既華夫同食唔係新鮮滾熱辣既夾餅一樣, 學黃興貴話齋, 呢碟嘢放得入雪櫃喇!
跟餐的咖啡, 小朋友話一向都不錯的.
小弟柯打了一杯熱南瓜鮮奶, 上面有層cream的, 味道不錯, 但未加一都收31.8蚊, 有此質數也是應該的.
過了個幾2個鐘後, '糟狗'終於來到了! 佢点咗個此店成名之作蕃薯配軟雪糕, 由於當時大家投入地傾計, 故無特別去關心呢個蕃薯既感受, 但'糟狗'亦冇乜特別評價, 故我想呢個甜品既水準應一如以往吧!
講到服務, 又幾好啵, 我哋由4點坐到7點幾, 食嘢又唔係多, 啲服務員都好貼心地不斷幫我哋加茶, 我哋既茶杯喺呢幾粒鐘裡面係未空過既! 小朋友厕所都去2次喇, 犀利啩!
但衰在店內無厠所, 要去隔離商場嘅, 好麻煩, 所以只能俾3分.
仲有個冷氣超級勁凍, 小弟有好長時間成爲半人半雞, 身上人皮雞皮各佔一半. 所以就算華夫凍死咗, 我都冇話過佢潺仔, 最多怪佢適應力差, 唔似得香港人咁.
呢次笑面我會俾, 但大部份原因係服務喇, 3個人食咗百零蚊但坐咗成3個幾鐘, 都冇俾人催過, 仲猛咁加茶, 這班年青服務員係抵俾我笑既!
Post
