大力水手炸雞

Open Now

Now Closed

以前去旅行第一樣野最期待唔係搭飛機，而係係機場入閘後去食Popeyes 大力水手炸雞，一年先得一次機會。不過反而佢係旺角top 咁方便就腳又唔會成日諗起佢今次襯住要食過快飯，早早就諗起呢間成日被我違忘露易斯安娜的炸雞店。餐廳供應的炸雞的款式十分多，有炸雞套餐，又有漢堡。而且食物即叫即炸香口惹味。Bone-in Chicken 勁大舊炸雞，差不多比男士手板還要大，完全係誠意的size, 炸雞外皮非常脆，內裡多汁又juicy. Cajun Fries 薯條條條炸得金黃，但又唔會好肥膩，有種特別惹味的調味料，比剩食鹽味更引人入勝。辣雞翼外皮脆脆而酥香， 入口香辣惹味, 咬落勁嫩 Chicken Tender 炸成金黃色, 沒有過火。雞肉雪白，混上香料超好味的。爆谷蝦仔一客份量勁多，蝦仔雖少但仍有爽甜的味道，而且一口幾可以幾粒，真的有點像吃爆谷的感覺。Cajun Sandwich炸雞吃起來鮮嫩多汁不在話下，配上烘烤過的麵包，生菜蕃茄和酸青瓜片，把炸雞漢堡的味道昇華，有效中和炸雞的膩。