Video
Read full review
2022-05-14
1567 views
幸運地book到呢間只有11張枱嘅餐廳😂 享受一個非常難忘嘅體驗，食物味道好👍🏻 大廚 Roland 親自與每一枱嘅食客互動溝通，而且感覺到佢係真鍾意同人傾下，值得讚👍🏻我哋今次叫左個 4 course 午餐 $900pp，由頭到尾都咁好食，真係值得👏🏻👏🏻👏🏻餐廳雖然設計簡單，但係其實都唔簡單，牆上面嘅一啲圖形其實係表達食物嘅不同層次，幾得意😎影低個解釋了解下😅餐前小食大部分由芝士製作而成，右邊嗰個係好香脆嘅南瓜芝士撻，內有少少檸檬味，中間係芝士球，裏面都係芝士蓉（個人覺得比較鹹），最左邊係carbonara 巴馬火腿，全部都好好食😋橄欖油、醋麵包Tuna非常幼滑，豐滿嘅泡沫包圍着吞拿魚，下面係切碎蘆筍Dry Aged Beetroot 賣相一流嘅一道菜，紅菜頭甜甜地煙煙韌韌，好食，配合牛角包🥐個人認為可以唔使，牛角包質感比較似中式牛脷酥，唔係太match😅Linguine - Spanish red prawn🦐 (+$280)指定動作：將蝦頭嘅膏啫落去意粉度一齊食😅唔食會後悔，嚟呢度主要都係想試吓呢一個菜，一試難忘😄 真係好食到唔知點樣形容😆因為份量唔多，所以我哋兩個，一人叫一個
我哋今次叫左個 4 course 午餐 $900pp，由頭到尾都咁好食，真係值得👏🏻👏🏻👏🏻
餐廳雖然設計簡單，但係其實都唔簡單，牆上面嘅一啲圖形其實係表達食物嘅不同層次，幾得意😎影低個解釋了解下😅
餐前小食
大部分由芝士製作而成，右邊嗰個係好香脆嘅南瓜芝士撻，內有少少檸檬味，中間係芝士球，裏面都係芝士蓉（個人覺得比較鹹），最左邊係carbonara 巴馬火腿，全部都好好食😋
橄欖油、醋
麵包
Tuna
非常幼滑，豐滿嘅泡沫包圍着吞拿魚，下面係切碎蘆筍
Dry Aged Beetroot
賣相一流嘅一道菜，紅菜頭甜甜地煙煙韌韌，好食，配合牛角包🥐個人認為可以唔使，牛角包質感比較似中式牛脷酥，唔係太match😅
Linguine - Spanish red prawn🦐 (+$280)
指定動作：將蝦頭嘅膏啫落去意粉度一齊食😅
唔食會後悔，嚟呢度主要都係想試吓呢一個菜，一試難忘😄 真係好食到唔知點樣形容😆
因為份量唔多，所以我哋兩個，一人叫一個，食完都回味無窮😂 我相信再嚟一個都食得落😂
Blue Lobster
龍蝦配魚子醬，呢個主菜都係非常好食，新鮮爽脆嘅龍蝦肉加埋魚子醬嘅香氣，冇得輸😋
Miyazaki Rump
個牛肉鹹鹹地，配合碗飯一齊食，啱啱好😋
Vanilla Soufflé
Tofu
豆腐雪糕食過好多次，呢度嘅豆腐味係最出嘅，配合士多啤梨醬🍓酸酸甜甜，比較有層次
Petit four
呢度嘅Madeleine 都幾好食😋
Post
