樂園魚旦專家 (新都城中心三期)

Open Now

Now Closed

今日去左將軍澳新都城中心，正是晚餐時間，竟然俾我見有樂園魚旦專家，依間聽講平靚正就好食，二話不說就入去食啦，地方好乾淨，裝修都好明亮企理。Menu上有好多選擇，有丸牛餃等粉面，仲有飯，小食菜等。我就食左個四寶丸揀河粉，朋友就牛雜河粉。唔洗等一陣就即刻熱辣辣大大碗送上黎啦，四寶有豬肉丸，墨丸，白魚丸，魚皮餃，魚片頭，粒粒大粒又彈牙好食，湯底清甜冇味精，而且河粉好細嫩柔滑，好正。朋友嘅牛雜河粉都好正，有牛肺，牛腸，牛肚等等，食落冇牛異味，湯底牛腩湯正，枱面仲有仲有醋同埋辣汁，可以加落去更加惹味，我覺得份量岩岩好，都可以加大，一碗最平3十幾元係大商場食到咁好食晚餐真係超值。