Video
Read full review
2018-03-26
107 views
今日白色情人節，所以女朋友話同我食餐好既，就去左大喜屋呢間喇。去到大廈個陣已經一堆人排緊隊，原來成排人都係去食大喜屋，真係未見其人 先聞其聲，可見香港人係對放題一定既喜愛程度。上到去即刻有位坐，服務方面非常好。坐底之後就開始點餐，所以食物都想試，全部都點少少。隔左一陣好快有野食到。刺身方面，擺盤相當有舖排，無太多花巧裝飾，簡單一塊葉已經足夠。三文魚絕對好食，新鮮爽口，唔洗點豉油都好甜，因為新鮮三文魚係啞色，唔新鮮會表面出油。其次劍魚腩，偏粉紅魚肉，細密既紋理，絕對係正品，咬落口相對比三文魚清淡。我個人偏好食吞拿，啖啖肉個陣感覺絕對係一件賞心悅目既事。刺身蝦咬落口鮮爽甜多肉，唔會有腥臭味既感覺，絕對值得推薦。壽司方面，鰻魚壽司我個人最喜歡，特別係個鰻魚汁，師傅事先將鰻魚片燒到脆口，加上壽司飯微微醋味令人覺得開胃。麻辣左口魚壽司絕對係開胃,好好食,有麻既感覺！冬蔭公壽蝦壽司一定要點，因為創意壽司方面佢都算相當成功，做型同味道都非常出眾，有冬蔭公既微辣，壽蝦上面個一細塊既青檸絕對係加分位，好有泰國風。燒牛舌，好快呈上，食落口仲熱熱地，不過略為鹹左少少，不過不失。燒牛肉，薄切牛肉顯得師傅既刀功
刺身方面，擺盤相當有舖排，無太多花巧裝飾，簡單一塊葉已經足夠。三文魚絕對好食，新鮮爽口，唔洗點豉油都好甜，因為新鮮三文魚係啞色，唔新鮮會表面出油。其次劍魚腩，偏粉紅魚肉，細密既紋理，絕對係正品，咬落口相對比三文魚清淡。我個人偏好食吞拿，啖啖肉個陣感覺絕對係一件賞心悅目既事。刺身蝦咬落口鮮爽甜多肉，唔會有腥臭味既感覺，絕對值得推薦。
壽司方面，鰻魚壽司我個人最喜歡，特別係個鰻魚汁，師傅事先將鰻魚片燒到脆口，加上壽司飯微微醋味令人覺得開胃。麻辣左口魚壽司絕對係開胃,好好食,有麻既感覺！冬蔭公壽蝦壽司一定要點，因為創意壽司方面佢都算相當成功，做型同味道都非常出眾，有冬蔭公既微辣，壽蝦上面個一細塊既青檸絕對係加分位，好有泰國風。
燒牛舌，好快呈上，食落口仲熱熱地，不過略為鹹左少少，不過不失。
燒牛肉，薄切牛肉顯得師傅既刀功絕對一流水準，牛肉煮到五成熟，再加上辣汁，牛肉多汁肉嫩，肉擺盤以扇狀排開，開胃菜黎講絕對成功，值得大家一試。
一口牛，炸蒜香味帶出我既食欲，食落口唔會有煮過頭既感覺，煮既時間恰到好處，絕對好食，份量足夠二人食。
飲料方面，梅酒我第一次飲，非常好飲，飲落口完全唔似飲緊酒，仲可以無限咁飲，冇咩放題餐廳有，我同女朋友一人都飲左兩杯，女朋友飲完第二杯既時間都開始微醺，酒量唔好既朋友就留意啦。天婦羅，全部都點兩件，當中最好食係炸蝦，唔會炸到變柴，咬落去少少鹹，唯獨係可能未換新油，未能炸到金黃色，希望下次有改進。炸蟹棒食落口都啖啖肉，最後就係炸茄子，因為炸茄子炸唔好會變吸油紙，當然大喜屋唔會啦，食落口唔油，大家都可以不妨一試，最後一讚，當我見到天婦羅既時間，有放一小撮既白蘿蔔蓉，白蘿蔔蓉既作用係比大家食既時候放係豉油，食既時候幫助消化同埋解走油膩感。
最後以一杯雪糕結束今日既放題！好多謝女朋友安排呢個行程！
Post
