小火焰韓式咖啡廳 (金山樓) (Closed)

因為疫情關係，好耐冇去韓國，所以好耐無食韓國嘢，大圍附近有得食韓國嘢嘅地方唔多，終於搵到大圍金山樓附近呢間小火焰，之前喺其他地方都試過，今次一於再試試！依家改咗掃QR code點嘢食，佢嘅午餐都幾抵食，我一個主食可以再加飲品，再追加小食，再追加甜品，加埋都唔使$100，仲要唔使加一。泡菜鰻魚燒拌飯泡菜同紫菜嘅份量好多，加上鰻魚汁， 十分適合拌飯一起吃，鰻魚好大塊差唔多有半隻碗咁大， 1十分肥美！加$15可以再加埋甜酸炸雞，小食份量啱啱好！辛辣茄子牛肋焗泡菜炒飯佢啲牛肋好淋好入味，仲要已經去骨，配上芝士撈埋焗飯，真係好入味，值得一試，牛肋的份量很多差唔多每一啖飯都可以食到一塊塊的牛肋肉！凍的柚子蜜，清淡得來唔會話好甜，啱晒食完辣嘢嘅我！