金城小廚

Open Now

Now Closed

星期六晚搵野食，想食d特別得來又好食既，友人提議去金城，話呢間野好出名，舊時係顯徑，而家搬左去海福，但一樣咁多人幫襯。好彩去得早，比我地搵到一張六人枱。一坐低都未叫野食，阿姐就奉上例湯同白雲鳳爪。個例湯份量都唔細，我地每人飲左一碗以上，飲完唔口渴，應該冇落味精，同阿媽煲既湯差唔多。個白雲鳳爪雖然唔算好熱，但暖暖地有𡁻口，可以接受。我地六個人叫左五個餸同白飯。梅菜扣肉，色香味俱全，反而我覺得有d扣肉再肥少少再好食d。炸蠔餅，鬆脆得來又有蠔味，唔會乾爭爭，食完一件又想食第二件，這個餸師傅拿捏得恰到好處。香橙琵琶蝦，有五隻，隻隻都大大隻，蝦肉爽而不膩，有d似去飲既時候食既炸蟹蚶，加上香橙汁，香香甜甜，開胃又清新。琵琶豆腐，這個餸下過不失，冇咁乾身，亦冇乜特別。胡椒豬肚鷄煲，d鷄浸係胡椒湯度，鷄肉嫩得來有鷄味，又有胡椒味，而兩種味道係埋一齊並沒有違和感，相反來說幾好味。埋單時阿姐送上啫喱，當係飯後甜品，very good.總括來說，每個餸都大大碟，而其中有d餸煮得幾有特色又好味，唔怪之得呢間茶館雖然坐落係橫街雜巷，環境不算理想，又唔係坐得特別舒服，都咁多人幫襯，真係有佢既道理。