肉骨皇 (Closed)

今日要去大坑買人氣曲奇，於是就周圍逛下，再順便食個午餐，估吾到大坑都幾多餐廳，行行下見到有間星馬餐廳既午餐幾抵食，所以就決定入去試試！海鮮喇沙海鮮喇沙材料豐富，包括有蜆、青口、蝦、魚片頭、豆卜同雞蛋，蝦鮮味又彈牙，而青口和蜆豐富海水味，喇沙湯底好香濃，仲有少少椰香味，辣度剛剛好！粉可以簡米粉、油麵同摻摻，我就簡左摻摻，米粉吾會煮得太腍，油麵夠滑又煙韌。自制龍眼水龍眼肉幾清甜，糖水不會過甜，幾好飲。