Video
Read full review
2023-02-26
68 views
咁啱係港島比朋友叫去大坑食點心，嚟到位於大坑浣紗街嘅睿海御宴 ，個名幾好聽。今次食嘅野基本上係傳統點心加啲包裝，變成一個新形象；環境都坐得舒服，職員好勤力係咁做野，基本上無停手。.食咗以下幾款點心:泰國蝦膏煎腸粉 - 呢個係今日最好食，唔會過咸而且幾惹味。竹炭奶皇包 - 唔係玩爆醬效果，奶皇唔算多，但加咗竹炭嘅元素，近年比較常見。腐皮香酥雞卷 - 即炸即上，係熱辣辣嘅，炸腐皮幾脆，幾有口感。鮑魚粒鹹水角 - 將鮑魚粒融入餡料，唔係好食得出但鹹水角外皮做得唔錯。XO 醬炸蘿蔔糕 - 今次唔炒而變成炸，XO 醬偏咸同重口味，襯返味淡嘅蘿蔔糕平衡返。.全部野都係正常發揮，但食五款野先係 $280 埋單，仲要好飽肚 (可能係因為全部係碳水類)， 咁又真係唔貴嘅。
今次食嘅野基本上係傳統點心加啲包裝，變成一個新形象；環境都坐得舒服，職員好勤力係咁做野，基本上無停手。
.
食咗以下幾款點心:
泰國蝦膏煎腸粉 - 呢個係今日最好食，唔會過咸而且幾惹味。
竹炭奶皇包 - 唔係玩爆醬效果，奶皇唔算多，但加咗竹炭嘅元素，近年比較常見。
腐皮香酥雞卷 - 即炸即上，係熱辣辣嘅，炸腐皮幾脆，幾有口感。
鮑魚粒鹹水角 - 將鮑魚粒融入餡料，唔係好食得出但鹹水角外皮做得唔錯。
XO 醬炸蘿蔔糕 - 今次唔炒而變成炸，XO 醬偏咸同重口味，襯返味淡嘅蘿蔔糕平衡返。
.
全部野都係正常發揮，但食五款野先係 $280 埋單，仲要好飽肚 (可能係因為全部係碳水類)， 咁又真係唔貴嘅。
Post
