芝加哥串燒酒場 (太和中心)

大埔唔多酒吧，太和附近呢間酒吧，環境企理，品流唔複雜，啱晒放工過嚟chill下，除咗有唔同嘅酒可選之外，仲有好多唔同款嘅串燒燒烤，佢嘅款多到真係數之不盡，總有一款啱你，除咗一般嘅肉類、蔬菜之外，仲有好多海鮮海選，串燒處理得好好，唔會乾，個味都好味，食材高質，特別推介以下三樣XO醬燒廣島蠔叫咗半包廣島蠔，每一隻都好肥美，個汁好有海水嘅鮮味，配埋XO醬，更加將個鮮味提升，好味招牌無骨白鱔個鱔好脆口，而且係厚切，好有口感，最重要係冇骨，啖啖肥美嘅白鱔肉金菇牛肉卷牛肉肉同金菇嘅比例好好，好有口感，牛嘅肉質都好好👍🏼👍🏼