麻痺雞 (Closed)

天氣咁凍緊係要去食雞煲打邊爐喇，朋友去食過大埔呢間麻痺雞，口碑唔錯，即管去試試。呢度啲煲底唔錯，有多款選擇，睇落款款都好味。朋友食過麻醉雞極力推薦，今次佢話試番正宗重慶雞煲，又睇下點。菜料款式唔算多，勝在任食，所以都見到好多年青人幫襯。下面款式就要加錢。終於上菜啦！雞煲幾正宗，叫左bb辣，好香辣味之餘又夠香。配料芫茜 ,洋蔥 ,香蔥,辣椒非常足料。入面仲有薯仔，翠玉瓜等等。雞肉嫩滑 好惹味，食到咀lam lam。 好少見到出面有 皮蛋啦海蜇呢啲涼拌小食係任食嘅。 碟頭都算幾大碟。海蜇有嚼勁，皮蛋好滑 而皮蛋黃味濃。 魚皮好鬆脆好新鮮，食落卜卜脆，浸一浸雞煲啲湯汁更加惹味。 雖然呢度主力唔係食海鮮，但係兩份叫咗嘅海鮮都非常新鮮。太子大大粒，食落鮮甜而且肉厚結實。 日本新鮮廣島蠔足足有緣六件咁多。而且大大粒，食落有好重既生蠔味，而且啖啖肉好新鮮好甜。 西班牙黑豚肉， 肉質有咬勁而且脂肪面積均勻而不油膩。 任食嘅食物普遍不錯。我最鍾意嘅係牛柏葉，感覺非常新鮮有咬口，而且好爽。豆卜滲透咗雞煲嘅辣汁非常惹味，牛肉大大但肥膏多左啲。 飲品亦係任飲，除咗啤酒之外仲有多款嘅汽水飲品選擇。推介咸柑桔，幾