OPPA韓國燒肉店 (Closed)

今日要同大家推介嘅係位於大埔墟依間oppa韓國燒肉，之前見到旺角有分店，但係估唔到大埔都有，於是今日拉埋朋友仔過嚟一齊食😆🎉真係有意外嘅驚喜，首先餐廳嘅職員態度超級友善，所以食得好開心🥳而且餐廳種類好多元化，無論係小食，定係韓國嘅各種熟食菜式，或者嘢飲，都包羅萬有❤️‍🔥首先推介俾各位嘅就係韓國海鮮煎餅🦞完全食返韓國嘅味道，煎餅餅底好脆口，裏面餡料仲好豐富，仲有魚露可以點住食，令到味道更加昇華🥳另外燒肉店點可以唔食燒肉呢，特別推介依度嘅熟成燒肉拼盤，每一樣都好高質，特別係和牛肩同埋牛肉眼，每一舊都有好濃郁嘅牛味，食落去口感超級柔軟😆👍🏻 嘢飲方面我仲叫咗一個水果茶，夏天清熱嘅首選🥭