滿腹食堂

Open Now

Now Closed

餐廳喺大埔可以話係平價嘅日式小店，屹立多年不到，深受街坊同埋學生歡迎。近期餐廳做緊優惠，點一個丼飯送一個手卷，跟餐連埋飲品，都只不過係60幾蚊。當日點咗一個花見月牛肉丼飯，花見月其實係一隻流心蛋，造型似一朵花，餐廳亦都做到流心嘅效果。丼飯上面嘅牛肉質素可以，而且飯嘅份量十足，非常飽肚。送嘅手卷就點咗炸蝦手卷，天婦羅炸蝦都非常大隻，而且保持脆身，可惜嘅係手卷上面嘅紫菜有啲淋咗。最後除咗麵豉湯之外，跟餐飲品都有唔同嘅紙包飲品可以選擇。