麻痺雞 (Closed)

同朋友慶祝生日，佢話呢間雞煲好食，咁梗係生日既話事啦因為朋友唔食辣，所以揀左濃香蔥香雞煲 🐔🥘呢度既雞煲唔會好咸好重口味，雞肉夠滑又入味，啲薯仔又係另一亮點😋加埋湯就可以打邊爐喇～好多火鍋料可以揀，仲有涼拌小食。推介肥牛、牛筋丸同魚皮餃，唔係hea既火鍋料。我地仲叫左個手切安格斯肥牛(例)，好有牛味👍🏻我地仲想叫個即炸脆響鈴，不過太飽，下次一定要試埋。混醬除左基本野蔥蒜辣椒仔，仲有個麻辣醬，中意食辣既一家好中意雖然位置有啲唔就腳 但$158任飲任食唔洗加一，真係值得一試