Video
Read full review
2014-03-23
3255 views
星期六下午,去完大埔墟街市及熟食中心欽記粉麵食魚蛋粉,再到華輝餐廳買米芝蓮蘋果批,之後去懷義街秋田麵包西餅買椰粒仔,再到太和及大埔中心行下,黃昏時間行返去大埔墟o個邊,因為晚上要到親戚屋企食飯,見仲未夠鐘,經過群記牛腩隔幾個舖位,就黎到當日最後一站余曉記上海包 呢間包店唔係集團式,售賣蔥油餅,菜肉包,鍋貼,生煎牛肉包等小食,款式不多過十款,由於店舖較細,佢地只作外賣,不設堂食我對生煎牛肉包比較有興趣,就通知店員想買一個,見到店員拎一個包去廚房,之後聽到放落鑊煎o既聲音,轉頭就見到一個包拎出黎,我諗係另一個之前放左落鑊o既牛肉包,冇理由咁快就煎好,店員將個包放入紙袋後俾我,雖然唔似係即叫即煎,不過煎完個包o既溫度仲好高,隔住紙袋個包仲係熱辣辣,非常燙手!用啡色紙袋袋住個包,幾有懷舊風味,不過有o的人認為紙袋吸晒o的油,隻手拎住紙袋唔舒服 買完個牛肉包,就行去對面o既公園開餐 ,黃昏時間天黑,公園街燈比較暗,影o的相唔係咁清楚 ,影完相都隔左5分鐘,呢個生煎牛肉包都仲熱,當晚天氣都算清涼,食個生煎牛肉包感覺溫暖 個包落左洋葱後幾香,另外仲有落菜脯添! 一分錢一分貨,唔係咁多牛肉,
呢間包店唔係集團式,售賣蔥油餅,菜肉包,鍋貼,生煎牛肉包等小食,款式不多過十款,由於店舖較細,佢地只作外賣,不設堂食
我對生煎牛肉包比較有興趣,就通知店員想買一個,見到店員拎一個包去廚房,之後聽到放落鑊煎o既聲音,轉頭就見到一個包拎出黎,我諗係另一個之前放左落鑊o既牛肉包,冇理由咁快就煎好,店員將個包放入紙袋後俾我,雖然唔似係即叫即煎,不過煎完個包o既溫度仲好高,隔住紙袋個包仲係熱辣辣,非常燙手!用啡色紙袋袋住個包,幾有懷舊風味,不過有o的人認為紙袋吸晒o的油,隻手拎住紙袋唔舒服
買完個牛肉包,就行去對面o既公園開餐 ,黃昏時間天黑,公園街燈比較暗,影o的相唔係咁清楚 ,影完相都隔左5分鐘,呢個生煎牛肉包都仲熱,當晚天氣都算清涼,食個生煎牛肉包感覺溫暖
個包落左洋葱後幾香,另外仲有落菜脯添! 一分錢一分貨,唔係咁多牛肉,見到個包o的位有o的鬆動 ,牛肉o既味幾好,我諗應該加左o的五香粉香料撈落去整生煎牛肉包煎到兩面都脆,o的牛肉幾滑,牛肉包有肉汁,煎左o既地方脆卜卜,好香好脆
個包有麵粉o既麵香味,好似澱粉變成葡萄糖o既甜,好食過大集團出品,師傅用左靚麵粉整包雖然呢間余曉記上海包冇得堂食,不過我見幾多街坊幫襯,另外有人專程駕車黎買,可見呢間舖o既食物有一定水準,多人買o既食物,去貨去得快,出品自然好
曾經睇過介紹,話包點負責人余生o係1979年深水埗青山道一品香做點心,余師傅即日整包,朝早搓粉糰,唔會係大陸做定交黎
而家香港真係唔多地方有得賣呢類包,買少見少,遲o的會失傳, 曾經睇過介紹話余師傅過幾年退休,幾個大學畢業仔女唔會搓包,下一代應該唔會繼承父業,所以大家食多唔係幾多年
呢個牛肉包好食過唐記包點,$7一個算係幾抵食,味道好又熱辣辣 ,而家九龍城清真牛肉館o個o的牛肉包要$20一個 ,下次再黎余曉記可以試下蔥油餅,菜肉包及鍋貼呢檔余曉記上海包隔離報紙雜誌檔,有隻狗狗叫做啫喱仔看檔,大埔區o既街坊都識得佢,啫喱仔同尖東忌廉哥都係報紙佬養o既寵物,論出道時間,啫喱仔比忌廉哥更早出道,但係就唔夠忌廉哥咁多人認識,我當日去買生煎牛肉包,可能啫喱仔瞓覺冇同大家見面,希望下次去大埔會見到呢隻得意狗狗!
Other Info. :
翻看之前o既食評,原來2011年底o既生煎牛肉包係賣$6,而家只係加左$1,同埋冇因為過左農曆新年加價,值得一讚!
(The above review is the personal opinion of a user which does not represent OpenRice's point of view.)
Post
