錦華粥粉麵

Open Now

Now Closed

大埔街市2樓應該係得兩間有得食粥嘅。我覺得錦華最好味。首先佢啲粥唔會太希。夠綿密但仲食到一粒粒米。唔會為咗慳錢，將啲米完全打爛變成米漿。口感比較好。如果唔想食味精可以轉白粥底。份量比另一間多。佢地嘅油炸鬼係自己做。新鮮非常脆。唔會好似其他舖頭嗌貨返黎嘅油炸鬼咁要返炸。其他舖頭返炸嘅油炸鬼會有油益味。其實我最鍾意食佢哋嘅炸雞翼。比同一個街市其他出名食炸雞翼嘅舖頭好好多。不過今次冇叫。呢一間嘅炒麵好食過另外一間粥舖嘅炒麵。不過唔建議食呢一度嘅雲吞，之前食過一次覺得唔好食。不過佢哋主要係食車仔麵同埋粥，叫呢一啲一定唔會錯。