木船泰國粉麵專門店 (Closed)

住喺附近，之前都嚟食早餐，但係未食過佢嘅午餐。今日咁岩喺屋企就落去買個飯返去食。門口見到佢外賣自取都幾抵食，但係想試吓個豚肉飯。拎緊返屋企嘅時候都覺得好重，返到屋企打開原來好大個。我諗夠兩個人食。佢仲包埋小食、湯同埋飲品。個燒豚肉飯面頭有好多青木瓜。係平時食青木瓜沙律嗰隻味，有啲辣味。下一層就係燒豚肉，佢份量都好多，切成薄片，鋪滿成碗飯。辣辣地都幾開胃。個小食盒有一粒係黑色，原來係朱古力蛋糕，好搞笑。