Video
Read full review
2020-06-15
382 views
唔講唔知原來大埔舊墟附近有一間越南黃店💛越南屋嘅廚師全部都係越南人，平時經過都見到有人排隊，所以今日我同男朋友就嚟試吓佢😛🌿越式海鮮湯檬 $60越式海鮮湯檬用咗蕃茄湯底，酸酸甜甜幾開胃，好啱女仔食！湯檬入面有青口、蝦、魷魚同豆腐，全部都幾新鮮，份量亦足夠。🌿越式特別牛河 $60越式特別牛河湯底清甜，相比一般嘅越南牛河唔算濃郁。牛河材料有牛丸、生牛肉、牛展同埋金錢肚，味道正常。🌿越南滴漏咖啡 $30 (跟餐另加$22)出於好奇，我哋叫咗呢個咖啡試吓🙈 越南滴漏咖啡其實即係凍咖啡加煉奶，味道好香濃，飲完之後會好醒神！咖啡會裝喺一個滴漏容器入面，之後慢慢滴落裝有煉奶嘅杯入邊，幾分鐘後當咖啡完全滴落杯入邊就可以將佢倒入冰杯㗎啦。喺香港其他餐廳比較少機會可以品嚐到呢種有特色咖啡，幾有趣！🌿越式拼盤A $99凍食嘅扎肉新鮮好味，感覺就好似自助餐嘅凍肉盤🤤春卷、蝦餅、香茅雞翼都係即炸，所以都係熱辣辣，春卷皮煙煙韌韌，口感豐富。不過呢個拼盤唔太抵食，份量偏少，但價錢比主食仲貴，下次未必會再叫。🌿小結：越南屋食物新鮮，味道算唔錯，都幾有越南風味。呢度一個主食$50起跳，小食或小菜由$32至$99不等，以
🌿越式海鮮湯檬 $60
越式海鮮湯檬用咗蕃茄湯底，酸酸甜甜幾開胃，好啱女仔食！湯檬入面有青口、蝦、魷魚同豆腐，全部都幾新鮮，份量亦足夠。
越式海鮮湯檬
39 views
0 likes
0 comments
🌿越式特別牛河 $60
越式特別牛河湯底清甜，相比一般嘅越南牛河唔算濃郁。牛河材料有牛丸、生牛肉、牛展同埋金錢肚，味道正常。
🌿越南滴漏咖啡 $30 (跟餐另加$22)
出於好奇，我哋叫咗呢個咖啡試吓🙈 越南滴漏咖啡其實即係凍咖啡加煉奶，味道好香濃，飲完之後會好醒神！咖啡會裝喺一個滴漏容器入面，之後慢慢滴落裝有煉奶嘅杯入邊，幾分鐘後當咖啡完全滴落杯入邊就可以將佢倒入冰杯㗎啦。喺香港其他餐廳比較少機會可以品嚐到呢種有特色咖啡，幾有趣！
越式特別牛河
$60
26 views
0 likes
0 comments
🌿越式拼盤A $99
凍食嘅扎肉新鮮好味，感覺就好似自助餐嘅凍肉盤🤤春卷、蝦餅、香茅雞翼都係即炸，所以都係熱辣辣，春卷皮煙煙韌韌，口感豐富。不過呢個拼盤唔太抵食，份量偏少，但價錢比主食仲貴，下次未必會再叫。
越式拼盤A
$99
32 views
0 likes
1 comments
🌿小結：
越南屋食物新鮮，味道算唔錯，都幾有越南風味。
呢度一個主食$50起跳，小食或小菜由$32至$99不等，以價錢同份量嘅比例嚟講，小食唔太抵食，而且星期六日同公眾假期仲要加一，大家有機會可以平日下午茶時段嚟試吓，除咗平啲相信仲會少人啲。
Post
