興運甜品美食

Open Now

Now Closed

經過見到大埔都有新派熱狗漢堡店，仲有潮流興既無骨雞翼包，就既管試下！見口渴飲番支豆漿($7)，豆味頗濃又唔會過甜，大大支ok喎可能係跑馬日，格離就係馬會，人客比較多，所以個包都等得幾耐下，等左差唔多半個鐘lol，不過都證明係即製既無骨雞翼包配蒜香芝士醬，酸甜醬($40)攞到個包就要自己搵位食，都幾熱辣辣，雞翼炸得幾好唔會太乾，菜同肉既比例都合適，不過個人中意多d菜，會無咁滯。另外個包係整體方面偏鹹左，如果多番d酸甜醬或者菜平衡番會好少少同埋食起上黎有d唔方便，因為d雞翼係一隻隻比較難成個包攞起唔跌出黎，同埋用左紙巾包住食都有d呢hea，如果用牛油蠟紙包實，或者好似熱狗咁唔完全cut開個包，可能會更好。