Video
Read full review
2018-01-07
1192 views
OPPA今日同朋友冇乜嘢做，去咗大埔一田行下，睇下有冇嘢買，掃下貨。自從搬出咗大埔都好幾年了，冇入嚟都好耐lu。行完街街，順便睇下大埔啲老舖有冇大變先⋯⋯⋯竟然發現，仲有好多老鋪都依舊係度，同時亦有好多新店開張。Wooow⋯⋯大埔果然係一塊彈丸之地，地方細細，食店商店多多，真係冇返咁上下實力好難留得低喔。行到好攰好攰，想搵嘢食下。點知，行咗去8號花園附近，都見唔到有乜好食，再行下行下，就到咗翠怡附近嘅天后宮，小巷直入就見到一間似曾相識嘅韓國燒烤店，OPPA。哈哈，竟然OPPA係大埔開咗間分店喎，我平時多數去旺角店，好鬼多人排隊的。今次啱啦，又攰又肚餓，食放題最啱啦⋯⋯Wakaka ⋯⋯放題$368 另加一。先來頭盤，裏面有成隻牛係度，每部位都幾件，成隻牛呢種擺法，係日本才見到或者旺角店才有，要成4百幾一份喔⋯⋯餐具：煎板好有心思，是斜的，特別制造，蛋汁放上面，就唔使咁猛火煮蛋，控制幾多成熟好容易。煎板設計好好，油會慢慢流走，又不容易煮燶肉。萬一肉汁燶咗，只要關咗火，等一陣就可以成塊燶油攞走。好方便。前菜：泡菜，呢個好味，酸酸地辣辣地，又唔咸淡淡地幾好食，好開胃。泡菜蛋卷，蛋汁味濃，煎板
今日同朋友冇乜嘢做，去咗大埔一田行下，睇下有冇嘢買，掃下貨。自從搬出咗大埔都好幾年了，冇入嚟都好耐lu。行完街街，順便睇下大埔啲老舖有冇大變先⋯⋯⋯竟然發現，仲有好多老鋪都依舊係度，同時亦有好多新店開張。Wooow⋯⋯大埔果然係一塊彈丸之地，地方細細，食店商店多多，真係冇返咁上下實力好難留得低喔。
行到好攰好攰，想搵嘢食下。點知，行咗去8號花園附近，都見唔到有乜好食，再行下行下，就到咗翠怡附近嘅天后宮，小巷直入就見到一間似曾相識嘅韓國燒烤店，OPPA。哈哈，竟然OPPA係大埔開咗間分店喎，我平時多數去旺角店，好鬼多人排隊的。今次啱啦，又攰又肚餓，食放題最啱啦⋯⋯Wakaka ⋯⋯
放題$368 另加一。先來頭盤，裏面有成隻牛係度，每部位都幾件，成隻牛呢種擺法，係日本才見到或者旺角店才有，要成4百幾一份喔⋯⋯
餐具：
煎板好有心思，是斜的，特別制造，蛋汁放上面，就唔使咁猛火煮蛋，控制幾多成熟好容易。
煎板設計好好，油會慢慢流走，又不容易煮燶肉。萬一肉汁燶咗，只要關咗火，等一陣就可以成塊燶油攞走。好方便。
前菜：
泡菜，呢個好味，酸酸地辣辣地，又唔咸淡淡地幾好食，好開胃。
泡菜蛋卷，蛋汁味濃，煎板弄熱後，半熟就最好食。
頭盤：
A4黑毛和牛肩肉及A4黑毛和牛三角腩。呢兩款最重牛肉味，雪花肥牛，牛脂平均分佈，入囗即溶。
澳洲和牛下腹腩及澳洲和牛脷。腹腩嘅牛脂比肉多，分佈約64比例，肉質鬆軟，牛味濃厚。牛脷切到一條條，食落口肉爽牛味甜，
封門柳及鹿兒島牛柳粒，封門柳厚切，一塊塊，肉多過脂肪。牛柳粒，一粒粒，細細粒，煎兩煎就半熟。食落囗同打邊爐嘅手切肥牛差不多，有囗感，有咀嚼感。
加拿大牛排骨，嘩，好大舊放係中間，骨連肉，放開鋪平係煎板度，原來仲大塊，差小小煎板都不夠放。肉味好重。
無骨牛肋肉，跟加拿大牛排骨差不多，只是沒有了骨，煎起來方便啲。
美國牛小排，一塊塊，細細塊，食落口好有咀嚼感。
深海虎蝦，幾大隻，重蝦味。
鮑魚，竟然有鮑魚食，一人一隻，鮑魚味超重。
帶子連殼，細細隻，有小小海水咸味。
魷魚，成隻，好大隻，重海水味，煎89分鐘就食得，肉質超爽。
小八爪魚，又係成隻，八爪魚鬚超甜又正。
大西洋多春魚，多春，魚味重。
韓國啤酒，任飲，好抵呀。
總推介指數：7.5/10
頭盤
56 views
0 likes
0 comments
豬腩肉
43 views
0 likes
0 comments
無骨牛肋肉
30 views
0 likes
0 comments
海鮮鍋
19 views
0 likes
0 comments
自助取水處
36 views
0 likes
0 comments
頭盤
43 views
0 likes
0 comments
頭兩格任攞任飲，仲有韓國啤酒添
7 views
0 likes
0 comments
鮑魚
11 views
0 likes
0 comments
Post
