Video
Read full review
2021-10-12
738 views
一講豬手，相信大家都會諗起大埔群記，咁啱放假就諗住去食，三點鐘到一坐低姐姐已經講除左豬手咩都售罄，豬手係就落單都要快D，都就快賣哂~所以大家想食嘅真係要早小小去，廢事山長水遠去到食白果。因為係老店，所以都係保留舊有嘅裝潢、簡單枱櫈、吊扇，但個人認為咁樣好有舊香港特色。🐽净豬手(細)、豬手麵(細)★★★★☆今次都係叫左净豬手同埋豬手麵(細)，兩樣份量都好足料。豬手唔會有太多嘅調味，都係烚，湯底清清地，帶有豬骨同少少胡椒味；而豬手好有肉地，食落好有份量，肉質同皮都好彈牙，好重骨膠原。絕對唔係煮到淋哂個隻，仲保持咬口。麵就正正常常啦，主要都係食個主角豬手。另外都想講下佢個秘製辣椒醬，配落豬手到食一流，唔係死辣，好麻香，食完仲可以自己出去添~🌟總括：價錢唔貴，份量真材實料！鐘意食豬手真係唔好錯過~但要食真係早小小去，廢事賣哂~
29 views
0 likes
0 comments
21 views
0 likes
0 comments
🐽净豬手(細)、豬手麵(細)★★★★☆
今次都係叫左净豬手同埋豬手麵(細)，兩樣份量都好足料。豬手唔會有太多嘅調味，都係烚，湯底清清地，帶有豬骨同少少胡椒味；而豬手好有肉地，食落好有份量，肉質同皮都好彈牙，好重骨膠原。絕對唔係煮到淋哂個隻，仲保持咬口。麵就正正常常啦，主要都係食個主角豬手。另外都想講下佢個秘製辣椒醬，配落豬手到食一流，唔係死辣，好麻香，食完仲可以自己出去添~
🌟總括：價錢唔貴，份量真材實料！鐘意食豬手真係唔好錯過~但要食真係早小小去，廢事賣哂~
Post
